Татарстанның атказанган җырчысы Фирдүс Тямаев туган йортына кунакка кайткан, ләкин урамда йоклаган.
«Люкс, 5 йолдызлы. Иң рәхәт урын. Сарайда үгез җырлый, өстә чыпчык сайрый, эт белән песи килгән. Бу урынны арендага бирәм», – дип язган җырчы социаль челтәрдәге сәхифәсенә куйган видео янына.
– Менә, җәмәгать, үземә урын ясадым. Әни, бу урынга тимисез.
– Син китүгә, үзем ятам.
– Залда эссе, челтәр генә. Малайлар йоклый. Кондиционерны җибәреп карадым, ул кечкенә генә, кайчан суыта инде. Миңа кызу. Сарайда да йоклый идем, анда да кызу. Мунчага да, подвалга да кереп карадым. Менә авылның бөтен кызыгы шушы инде.
