Фирдүс Тямаев Себер якларында гастрольдә йөри, шул ук вакытта ул Төмәндәге татар хәрбиләре белән дә очрашкан. Җырчы Төмәндәге видеоны «Интертат» белән дә уртаклашты.
«Сезгә Татарстаннан, Казаннан зур сәлам. Исән-сау кайтырга насыйп булсын. Татарстан егетләре белән очрашсагыз, сәлам аларга. Күтәренке рухта булыгыз. Арабызда 1500 км булса да, без бергә! Барыгызга да уңышлар! Без җиңәчәкбез», – диде җырчы барысының да кулларын кысып.
Җырчы аларга беренче итеп «Гомер үтә» җырын бүләк итте.
Фирдүс Тямаевка солдатларга ярдәм күрсәткәне өчен рәхмәт белдерделәр һәм кирәк-яракларны акрынлап сатып алырга җыенуларын әйттеләр.
