Татарстанның атказанган җырчысы Фирдүс Тямаев концерты вакытында сәхнәдә егылган.
Видеода күренгәнчә, аның янына сәхнәгә бер кыз менә, җырчы аңа плакатын бирә һәм «күзе белән озатып» җырлый башлый. Шул вакытта җырчы артка атлаганда җыр сүзләрен күрсәтә торган җайланмага сөртенеп егыла.
Концертны караучылар җырчының аптырап тормавын, ә сикереп торып, җырлавын дәвам итүе турында язган.
Ә социаль челтәрләрдә җырчыга бу кисәтү булуын искәртәләр:
«Ай, Аллам. Кызларга караганыңны Аллаһы Тәгалә дә күрде, шунда ук җиргә дә төшерде. Сак бул инде», – дип язган җырчы Нурзадә.
«Алла бабай уразада теләсә кая карыйсың дип тартты башыңа»;
«Уразада кызларга карап йөргәч шулай була»;
«Куркыныч та, көлке дә булды бу. Иң мөһиме беркем дә зыян күрмәде бугай», дигән композитор Марат Мухин.
Халык арасында җырчының аяклары өчен борчылучылар да бар: «Күп акча түгеп ясаткан аякларыңны әрәм итәсең бит», «Аякларыңа зыяны булмасын инде».
Фирдүс Тямаевның Германиядә аягына операция ясатуы турында язган идек.