Татарстанның атказанган артисты Фирдүс Тямаев туган ягында Россия көненә һәм махсус хәрби операциядә катнашучылар хөрмәтенә концерт куярга җыена.
«12 июньдә Нурлат шәһәрендә 10 сәгатьтә бәйрәм була. Башта балалар өчен чаралар оештырыла. Аннары безнең егетләр солдат боткасы пешерә, бергә аны ашарбыз. Безнең концерт кичке 8дә башлана. Анда мине хуплап, Нурлатны хөрмәт итеп, яратып Марат Галимов һәм Гүзәлия килә. Бәлки, башка сюрпризлар да булыр. Бу концерт безнең Россия көненә багышлана, махсус хәрби операциядә катнашучыларны хуплап куям аны. Барыгызны да көтеп калам», – дип сөйли җырчы.
