Фирдүс Тямаев, 2 улын алып, бәби тудыру йортына тормыш иптәше Резеданы һәм кызын күрергә барган.
«Кунакка килдек» дип язып куйган ул кызы һәм уллары белән төшкән фотосы янына.
Җырчының сөенечтән нишләргә белмәгәне күренеп тора. «Ела-ела, күрсәт әле миңа тавышыңны, кызым. Әтиең килдеме, шуңа шатланып елыйсыңмы? Елаган тавышларына кадәр матур бит аның», – дип елмайган бәхетле әти.
Бүген җырчы Фирдүс Тямаевның өченче тапкыр әти булуы турында хәбәр иткән идек. Раян һәм Кәрим исемле малайлар тәрбияләүче Тямаевлар гаиләсендә кыз бала туды.