Татар эстрадасының дәртле җырчысы Фирдүс Тямаев белән кызыклы хәлләр еш булып тора. Ул андый мизгелләрне видеога төшереп, виртуаль дуслары белән бүлешеп тора.
Бу юлы ул Уфадагы концертыннан соң урамга чыккач, хатын-кыз аяк киемен күреп алган. «Кемдер аяк киемен калдырган, килеп алыгыз әле. Минем концерттан чыгып онытып киткән ахры. Әллә яланаяк кына биегәнме», – дип, хатын-кыз аяк киемен күрсәтә җырчы.
Халык «бу ханым бии-бии туфли белән кайтып киткәндер» дип фаразлаган.
«Бу хатын-кыз аяк киемен махсус калдыргандыр. Син аны эзләп табарга тиеш», – дип тә шаяртканнар.