Барлык язмалар news_header_top_970_100
news_header_bot_970_100
Язманы тыңлагыз

Фирдүс Тямаев эстрададан китү уйлары турында: «Сәхнә – дингә бөтенләй каршы әйбер»

news_top_970_100
Фирдүс Тямаев эстрададан китү уйлары турында: «Сәхнә – дингә бөтенләй каршы әйбер»
Фото: видеодан скриншот

«Хозур ТВ» телеканалында «Фикер» тапшыруын алып баручы Ильяс Шаһиев Татарстанның атказанган артисты Фирдүс Тямаевтан дингә мөнәсәбәте турында сорады.

«Мин Аллаһка бик ышанам. Сәхнә белән динне бутыйсы килми. Сәхнә – дингә бөтенләй каршы әйбер. Шуңа күрә хыялым шул – тизрәк вакыты җитеп, эстрададан китеп, дингә килсәм, мин беркайчан да микрофон тотмыйм. Чөнки дин – ул дин, сәхнә – ул сәхнә. Әгәр сәхнәдә дини җырлар башкарып, вәгазьләр сөйләп, халыкны дингә өнди алсаң, ул, әлбәттә, икеләтә савап. Россиядә яшәгәч, бу стереотиплар аз гына туры килми. Шуңа күрә йөрәк әрни. Мин инде җомгага барган саен, сәҗдә кылганда гел шуны уйлыйм, гафу үтенәм. Киләчәктә ничек тә шушы әйбер җайлансын иде, дип хыялланам.

Әгәр киләчәктә минем уңышым төшә, концертларым азая икән – бу бары тик Аллаһтан. Димәк, мин әзер булырга тиеш. Артист тормышыннан китәм икән – машина ясап, мал карап була. Эшлә генә – проблема юк. Эшләгән кешегә эш бар.

Минем эчемне тырмый торган нәрсә ул – дин белән иҗат тырмашуы. Хыялым – гаилә белән биш вакыт намаз укырга, хаҗга барырга. Зәкятне Ходай кабул итсен», – дип сөйләде җырчы.

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100