Фирдүс Тямаев чит ил машинасыннан өч тәгәрмәчле мотоциклга күчеп утырган – видео
Фирдүс Тямаев чит ил машинасыннан 3 тәгәрмәчле мотоцикл-трайкка күчеп утырган. Мотоцикл алу җырчының образын да тулысынча үзгәрткән – курткасы байкерлар стилендә, шлемын да онытмаган. Шушы образында, «Татарлар» җырын кычкырып җырлатып, Тямаев Татар конгрессына әңгәмәгә килгән.
«Дуслар, карагыз әле Фирдүсне! Әстәгъфирулла, нинди мотоцикл белән», – дип, конгрессның мәгълүмат хезмәте һәм массакүләм мәгълүмат чаралары белән элемтә идарәсе җитәкчесе Гөлназ Шәйхи видеоны социаль челтәрләрдә күрсәтә.
«Килешеп тора бит үзенә», «Фирдүскә ничек тә килешә! Гади, туры!», «Исән-сау йөрергә язсын, ут булган бу», – дип шәрехләгәннәр Тямаевың образын видеоны караучылар.