Фирдүс Тямаев социаль челтәрдәге сәхифәсендә үз концертына килгән «Тямай» кушаматлы хәрби белән таныштырган иде. Хәзер җырчы махсус хәрби операциядәге «Тямай»ның һәлак булуы турында хәбәр итә.
Җырчы аның белән үз концертында төшкән фотога «Эх, дустым! Чыннан да дөрес хәбәр микән?» дип язган һәм күпсанлы елаган смайликлар тезгән. Ә хәрби белән видеоны «Китмә» җырына салган.
«Менә бу тарих! Зур рәхмәт! Дуслар бүген концертка махсус хәрби операциядән кайткан Башкортстанның Федоровка авылы егете килде. Позывное «Тямай» икән, жетонында да шулай язылган. Концертка баргач, безнең концерт ошаган. Безнең җырлар белән дәртләнеп яши. Зур рәхмәт, мине бу шатландыра. Безнең егетләргә сәлам әйт. Исән-сау булыгыз! Бергә булыйк, бердәм булыйк. Сау-сәламәт кайтып, безнең концертларга йөреп, дусларча яшик», – дип, җырчы танышкан вакытта хәрбинең кулын кыскан иде.
