Фирдүс Тямаевның «Яралардан җанны арала» дип аталган яңа җыры чыккан
Шагыйрә Ләйлә Дәүләтова Фирдүскә: «Бер ишек ябылса, икенчесе ачыла, шул инде ул», - дип язган.
Татарстанның атказанган артисты Фирдүс Тямаевның «Яралардан җанны арала» дип аталган яңа җыры чыккан. Бу хакта ул үзенең Инстаграм челтәрендә хәбәр итте.
«Ничек, дип сорамыйм. Кемгә ошый, тыңлагыз», — дип язган җырчы.
Җырның бер өлешендә исә мондый сүзләр бар: «Вакыт дәва, диләр. Дәваламый. Күңелемне беркем аңлый алмый. Ә син мине бүген аңларсыңмы, яралаган җанны ялгарсыңмы? Сыныйсыңмы мине, сыныйсыңмы? Түзәлерме диеп уйлыйсыңмы? Беләсең бит инде үз-үземә бирешергә юллар куймасымны».
Шагыйрә Ләйлә Дәүләтова бу пост астында комментарий калдырган. «Шәп җыр язгансың. Бер ишек ябылса, икенчесе ачыла, шул инде ул», — дигән ул.
«Сез үзегезне бетермәгез. Нервларны сакларга кирәк. Аларның сезгә тешләре үтми! Сезне халык ярата! Иң мөһиме — күпчелек халык. Аңлыйм, авыр күтәрергә, ләкин бирешмәгез. Сез гаиләгезгә, сезне яратып тыңлаучы тамашачыларга кирәк», — дип язучы да бар.