Фирдүс Тямаевны медаль белән бүләкләделәр
Җырчы бүләкләү мизгелләреннән видео куйган.
«ТАССР ның 100 еллык юбилей хөрмәтенә мине дә бүләкләделәр! Рәхмәт сезгә!» — дип сөенече белән уртаклаша ул Инстаграм битендә. «Котлыйбыз! Син лаек!» — дип язган җырчы Салават Миңнеханов.
«Молодецка», — дип комментарий калдырган җырчы Илсөя Бәдретдинова.
Кайбер инстачыларны Фирдүснең бүләк алуы аптырашта калдырган.
«Такмак җырлаганга зур бүләк», «Сиңа шәхсән нәрсә өчен?» — дип язган алар.
«Синең эчең пошамы әллә? Кара чәй эч, юкка башың авыртмасын», - дип киңәш биргән Фирдүс Тямаев.
«Бүләк алдым дип, масая күрмә, котлыйм!», «Синнән бүген онлайн концерт», «Тәбриклибез, уңышлар», — дип котлаганнар җырчының тугры тамашачылары.
