Фирдүс Тямаевны хастаханәдән чыгарганнар
Авыр вакытта комментарийлар язып, хәлен белешеп торган инстадусларына җырчы рәхмәт әйтә.
Фирдүс Тямаевны хастаханәдән чыгарганнар. Бу хакта җырчы инстаграмда хәбәр итә.
«Аллаһка шөкер, өйгә җибәрделәр», — дигән ул. Җырчы авыр вакытта көч, энергия биргән өчен виртуаль дусларына рәхмәт юллаган. Концертлар башлангач, шул энергияне кире үзләренә кайтарырга вәгъдә биргән.
Инстачылар Фирдүскә саулык-сәламәтлек теләп, тизрәк гаиләсе янына кайтырга кушканнар.
Фирдүс Тямаевның Германиядә аягына операция ясатуы турында язган идек.