Фирдүс Тямаев: “Зәңгәрләр кебек бизәнеп, чәч буяп йөргәнем юк”
Сәхнә образлары турында сорауга җырчы шулай дип җавап бирде.
“Интертат”ның махсус проекты “Илгиз ил гизә”нең яңа чыгарылышында җырчылар яңа сезонга планнары белән уртаклаша. Татарстанның атказанган артисты Фирдүс Тямаев быел концертларында күбрәк җырларга һәм юморга басым ясарга булган. “Яңа җырларымның 90 проценты - хит”, - ди тыйнак җырчы.
Журналистның сәхнә образлары турындагы соравына исә Фирдүс: “Минем зәңгәрләр кебек бизәнеп, чәч буяп йөргәнем юк. Ак күлмәк, кара чалбар - мин һәрвакыт чын ир-ат образында калам”, - дип җавап бирә.