Фирдүс Тямаев: "Җырлаганда тыгылдым, күзгә яшьләр килде"
Фирдүс инстаграмына күңелләрне тутырырлык видео куйган.
Җырчы Фирдүс Тямаев концертта "Мин сине барыбер яратам" җырын башкарганда, сәхнә янына бер пар чыга һәм бии башлый. Инвалид арбасында утырган ир сөйгәнен үзе тирәли әйләндерә. Аларга карап сокланмый мөмкин түгел.
"Мин анда булдым һәм бу мәхәббәтне үз күзләрем белән күрдем", - дип язган Фирдүснең бер инстадашы.
Бу мизгелдә Фирдүснең тавышы калтыраганын да сизми мөмкин түгел. "Җырлаганда тыгылдым, күзгә яшьләр килде. Бар бит мәхәббәт, бар!" - дип яза Фирдүс.
