Фирдүс Тямаев: Өйләндем! Хәзер минем ике хатыным бар
Фирдүс Тямаев: Өйләндем! Хәзер минем ике хатыным бар
Җырчы Фирдүс Тямаев концерты вакытында төшерелгән видео куйган. Шунда ук “Дуслар, яңалык бар! Өйләндем! Минем хәзер ике хатыным бар” дип тә язган.
Видеодан күренгәнчә, бер ханым “ник комментарийларны бетердең” дип сүз башлый. Әлеге ханымның сүзе күп булып чыга. Микрофонны һич кенә дә кире бирергә теләми.
Шуннан җырчы “чык миңа кияүгә” дип, тезләнеп тәкъдим ясый.
“Миңа 68 яшь, алмыйсың син мине кияүгә”, - ди ханым.
Ә җырчы “алам, пенсияләреңне, күлмәкләреңне, алтыннарыңны ал да машинага утыр”, ди.
Инстачылар арасында Фирдүснең бу гамәлен хупламаучылар да бар. Шулай ук “ханымның күңелен күтәрде” дип яклап та язганнар.