Фирдүс Тямаев кечкенә улына кәләш тапкан - кызык видео
Кәримнең бер кызны суырып үпкән видеосын әтисе инстаграмга куйган.
Фирдүс Тямаев кечкенә улы Кәримгә хатын тапкан. Җырчының концертында чәчәк бирергә чыккан кызны Кәрим иреннәреннән суырып үпкән. «Кәримгә хатын таптык», — дип язып куйган Фирдүс әлеге видеоны инстаграмга урнаштырып.
Кәрим исә, кечкенә кызчыкка әтисенең плакатын бүләк иткәннән соң да, иреннәреннән үпмәкче була.
«Тутале улым, азрак кешедән оял», — дип көлгән әтисе. Бу кызык күренешкә тамашачылар гөрләтеп кул чапкан.
«Кечкенә җимешләр», Күз тия күрмәсен», «Кәримнең атлап йөрүләренә кадәр әтисенеке», «Синнән бер дә калышмас малаең, Фирдүс», — дип комментарийлар калдыра инстачылар видеопост астында.
Тямаевның кечкенә кызны хатын дип атавына бәйләнүчеләр дә очраган.
«Бик матур балалар, күз тимәсен. Әмма матур итеп әйтергә кирәк. Кәримгә кыз яки килен таптык дисәгез, килешле булыр иде»;
«Нинди хатын булсын ул, кыз таптык диген. Бигрәк тупас яңгырый», — дип язганнар.