Фирдүс Тямаев искитмәле тавышлы Себер татары егетен тапкан - видео
Үсмер бала "Талбишек" җырын башкара, Фирдүс үзе гармунда уйнап тора.
Фирдүс Тямаев инстаграмда күрсәткән видео ике йөзгә якын комментарий җыйган. Инстачылар бертавыштан диярлек җырчы егетне дә, грамун уйнап торган Фирдүсне дә ошата.
"Сургут сандугачы. Искитмәле тавыш" дип язган Фирдүс үзе бу видео янына. Яшүсмер егет Илнар Сәйфиевнең "Талбишек" җырын бар хисләрен, көчен куеп башкара булса кирәк. "Әллә ничә тапкыр тыңладым инде", "каз тәннәре чыкты", дип комментарийлар язганнар.
Фирдүснең үзенә исә мәктәпкә укытучы булып барырга, балалар белән эшләргә киңәш итәләр.
