Фирдүс Тямаев Илсөя Бәдретдиновага: «Картаеп киткәнсең…»
Җырчылар концерттан соң сөйләшеп утырган вакытта төшерелгән видео куйган.
«Музыкаль Сабантуй» концертыннан соң бер өчпочмак тотып, Фирдүс Тямаев белән Илсөя Бәдретдинова сөйләшеп утырганын видеога төшергәннәр.
Видеода Фирдүс: «Илсөя, яратам мин сине, хөрмәт итәм. Карап торам да, син дә картаеп киткәнсең», — ди. Илсөя дә җавапсыз калмый: «Син үзеңне матур кеше дип уйлыйсыңмы соң ул? Ике бөртек чәчең бар, анысы да агарып беткән», — ди.
Аннары җырчылар гастроль тормышы авыр булуы, юллар ардыруы турында сөйләшеп ала.
«Фирдүс, хатын-кызларга андый сүз әйтмиләр инде»;
«Картаябыз дип уфтанып утырмагыз, өчпочмак суына»;
«Заводта эшләгез, анда җайлы»;
«Авылда терлек асрагыз. Ике айда кәкрәясез. Шаяртам»;
«Зарланып утырмагыз, колхозда эшләгез. Анда куып та җибәрмиләр» кебек комментарийлар калдырганнар.
Җырчыларның виртуаль дуслары аларны татар эстрадасының иң-иң булдыклылары дигән, дусларча сөйләшеп утыруларына да соклану белдергән.
«Бик пар килгәнсез, бергә булырга кирәк сезгә», — дип тә язган татар артистларының гаилә хәле турында белеп бетермәүчеләрнең берсе.