Фирдүс Тямаев фанаты сәхнәгә ник менгәнен оныткан - видео
Фирдүс Тямаев концертларында булган кызыклы хәлләр турында язып тора.
Ульяновскида концерт вакытында тамашачы белән булган кызыклы вакыйганы Фирдүс инстаграмдагы сәхифәсендә күрсәтте.
"Апа җаным беренче тапкыр концертка килгән, каушавыннан нәрсәгә менгәнен дә онытты", - дип шаярта җырчы.
Бер ханым пакетлар тотып Фирдүс янына сәхнәгә чыга. Кочаклый, теләкләрен тели дә төшеп китә. Пакетларын калдырырга оныта. Зал да, җырчы да көлешә. Шуннан соң ханым кире әйләнеп килә. "Гаепләмәгез" дип гафу үтенә. Фирдүс исә "Мин барыбер сездән ала идем аны", дип көлә.
