Филүс Каһиров хатынына Яңа ел бүләге бирү турында: «Ул нәрсә кирәген белми, мин бирмим»
Филүс Каһировның хатыны Эльмира социаль челтәрдә видео куйган. Анда видео төшерүче сорау бирә.
– Эльмира, Яңа елга Филүстән нинди бүләк көтәсең?
– Бик катлаулы сорау. Белмим дә.
«Менә шулай, Аллага шөкер, яшәп ятабыз. Ул белми, мин бүләк итмим», – дип сүзгә кушыла җырчы.
– Филүс, Яңа елга Эльмирадан нинди бүләк көтәсең?
– Нинди бүләк? Үзе бүләк! Менә тагын бернинди чыгым юк.
Видеода Эльмира һәм Филүс рәхәтләнеп көлешә. Халык бу парны тыйнак, шул ук вакытта юмор хисле булулары өчен дә яратулары хакында язган.
«Бу хәлгә ничек килеп җиттегез? Өйрәтегез әле», – дип сораган бер егет, бүләк бирешмәүгә ишарә ясап.