Филипп Киркоров концерт оештыручыларына сүгенгән
Филипп Киркоров концерт оештыручыларына сүгенгән
"Новая волна - 2019" фестиваленең репетициясендә Филипп Киркоров үз ярдәмчеләре һәм чараны оештыручыларга сүгенгән. "Лайф" яңалыклар сайты бу күренешнең видеосын куйган.
"Мин камералар белән репетиция ясамыйча, концертыгыз башланмаячак!" - дип кычкыра Филипп оештыручыларга. Сөйләменә ул сүгенү сүзләрен мулдан кыстырган.
Филипп концертның ничәдә башланасы, аның туры эфирда күрсәтеләсе миңа барыбер дип белдергән. Репетиция өчен сәгать ярым вакыт кирәк булуын әйткән.
"Новая волна" конкурсы быел 24-29 август көннәрендә Сочи шәһәрендә уза. Анда 11 илдән 13 финалист катнаша.
Исегезгә төшерик, бу Филиппның беренче мәртәбә генә холыксыз кылануы түгел. 2004 елда матбугат конференциясендә ул журналист Ирина Ароянга кимсетүле сүзләр әйтте.
Филиппның сүгенүен күрсәткән видеолар интернетта еш пәйда була.