Мәскәүдә фигуралы шуучы – 16 яшьлек Алина Горбачева югалган. «Үтерү» турында җинаять эше ачылган. Бу турыда Тикшерү комитетына сылтама белән РЕН ТВ хәбәр итте.
Юниорлар арасында Россия чемпионы Алина Горбачева 28 августта кич белән тренировкадан кайтышлый югала. Ул «Чкалов Арена»дан чыккан, паркка кергән һәм шуннан бирле аны күрүче юк. Аның үзе белән 20 мең сум акчасы, паспорты, телефоны, планшеты һәм рюкзагы булган.
РЕН ТВ чыганагы белешмәсе буенча, ул тренеры белән талашып киткән.
«Комсомольская правда» белешмәсе буенча, 29 августта елга буенда Алинаның әйберләрен тапкан. Матбугат чаралары белешмәсе буенча, Алина 7 яшендә Краснодардан Мәскәүгә күчкәннән бирле – 7 елдан артык тренеры белән яши. Берничә көн элек ул аннан чыгып китә.
Алина белән Мәскәүгә әнисе дә күченә, тик алар аерым яши. Алина – тренерында, әнисе, кызына комачауламас өчен, башкаланың икенче башында тора. Әтисе Краснодарда кала, аның белән Алина аралашмый, диелә хәбәрдә.