Фидан Гафаров читтә туган кызына багышлап җыр яздырган
Җырчының 7 сыйныфта укучы Самира исемле кызы бар.
Татарстанның, Башкорстанның һәм Россиянең халык артисты Фидан Гафаров читтә туган кызына багышлап җыр яздырган. Бу хакта «Бикәйбәт» музыкаль видеолар аккаунтының сәхифәсендә хәбәр ителә.
«Яши идем өлкәнәям диеп,
Гомеремнең уртасын уздым.
Язмышыма яңа сулыш булып
Көтмәгәндә, кызым, син тудың.
Көтмәгәндә килгән бәхетем син,
Көтмәгәндә килгән шатлыгым.
Яшәр көчем, яшәртүчем минем,
Сабыкаем, яраткан кызым…» — дип җырлый ул.
Инстачылар җырчының кызы булуыннан хәбәрдар булмауларын, чит хатыннан туган кызмы дип баш ватканнар.
Фидан Гафаровның читтә туган кызы турында хатыны һәм улы да белүе турында язган идек.