"Фермада эшләргә кирәк!" Виталий Агапов тормышыннан зарланган җырчыларны тәнкыйть итте

Виталий Агапов "Мәйдан" каналындагы "Ачыктан-ачык" тапшыруында тормыштан зарланган артистларны тәнкыйтьләде.

"Артист тормышы ул бик начар тормыш түгел. Күңелле тормыш. Зарланып утырган артистны ишетсәм, бик ачуым килә. "Артистларга беркем булышмый" дип әйтәләр. Ул сүзләрне әйтәсең килми икән, авылга кайтып балалар укытырга кирәк. Фермада эшләргә кирәк. Тракторист булып... Гомумән, шундый эшләр белән. Шулар турында онытмаска кирәк беренче чиратта.

Артист тормышы бик үк начар тормыш түгел. Аларны каршы алалар, күтәреп йөртәләр, каты итеп кул чабалар, концерттан соң ашаталар. Ашаткан җирдә. Гомумән, зарланырга кирәк түгел. Нәчтүк әби әйтә иде - зарланма улым, зарга җыела, ди иде".

Комментарийлар (1)

24 декабрь 2023

Исемсез

Фермада әшләп кеше үлгәне юк әле, кайчан карама, артистлар зарлана