Хәзер фейхоа сезоны… Файдалы кайнатма ясап калырга ашыгыгыз! Бу кайнатма организмда йод дефициты булган кешеләр өчен бигрәк тә файдалы.
Әлбәттә, һәр җимешне яңа өзеп алынган килеш ашаганда файдасы зур, әгәр инде сезнең гаилә әгъзалары фейхоаның эчен яратып ашый икән, аның кабыгын әрәм итмибез. Аны туңдыргычта җыеп барырга була.
Фото: © «Татар-информ», Гөлүзә Василова
Соңыннан фейхоа кабыгын җебетергә һәм, киви кушып, иттарткычтан чыгарырга була. Бу ике җимешнең тәмендә охшашлык бар, кайнатмада фейхоа тәме өстенлек итәчәк.
1 кг массага 800 грамм шикәр комы (кимрәк тә мөмкин) салырга һәм, шикәре эресен өчен, болгаткалап торырга. Аннары, савытларга яки формаларга тутырып, туңдыргычка куярга.
Кайнатма тиз бозыла, шуңа туңдыргычта сакларга кирәк, ә тиз арада ашарга булса, суыткычка да куярга мөмкин.
Фото: © «Татар-информ», Гөлүзә Василова
