Федераль телеканаллар президент сайлау алдыннан агитация вакыты бәясен чыгарды

«Беренче канал» һәм «ВГТРК», шул исәптән «Россия 1», «Россия 24» телеканаллары һәм берничә радиостанция сайлау алды кампаниясе барышында агитация роликларын урнаштыру өчен прайсларын чыгарды. Иң кыйммәтлесе 1 миллион сумнан артык бәяләнә.

«Россия 1» телеканалында, «ВГТРК» флагманында, иң кыйммәтле слот – сайлаулар алдыннан ял көннәрендә 17:00 сәгатьтән 20:00 сәгатькә кадәр: 20 секунд сәяси реклама 1,19 миллион сумга төшәчәк», – дип яза «РБК» сайты прайслар мәгълүматларын.

Агитация бәяләре, атнаның вакытына һәм көненә карап, 100 меңнән 1 миллион сумга кадәр. Мәсәлән, «Беренче канал»да 17 февральдән 1 мартка кадәр ял көннәрендә 5:00 сәгатьтән 8:00 сәгатькә кадәр иң уңайлы вакыт слоты 20 секунд эфирда 109,6 мең сум тора.

Шул ук вакытта «Россия 1»дә бәя ял көннәрендә 86,5 меңнән 86,6 мең сумга кадәр һәм эш көннәрендә 185,2 меңнән 186,6 мең сумга кадәр тәшкил итә. Сайлау алды атнасында 17:00 сәгатьтән 20:00 сәгатькә кадәр булган агитация вакыты «Россия 1»дә эш көннәрендә 861,8 мең сум һәм ял көннәрендә 1,05 миллион сум бәяләнә.

«Россия 24» эфирында реклама бәяләре стандартлаштырылган: февральдә 20 секунд 64 мең сум тора, ә март аенда – 59,1 мең сум. «Россия» радиосында тапшырулар 30 секунд эчендә 104,9 мең сумга, «Маяк» радиосында 91,5 мең сумга, ә «Вести ФМ» радиосында 125 мең сумга төшәчәк.

Сайлау алды агитациясе 2024 елның 17 февраленнән 15 мартына кадәр узачак. Россия Президентын 15-17 мартта 3 көн дәвамында сайлаячакбыз. Үзәк сайлау комиссиясе башлыгы Элла Памфилова әйтүенчә, мондый формат вакытны кыскартырга һәм төбәкләрдә эшне гадиләштерергә ярдәм итәчәк.