Фатирга кергән карак балаларны скотч белән бәйли, аннары аракы эчеп исерә дә йоклый

Мәскәүдә фатир басарга кергән карак балаларны скотч белән бәйләп куйган, аннары аракы эчеп исергән дә йокыга киткән. Бу турыда «Вести» каналы хәбәр итте.

Җинаять 15 майда була. Хокук саклаучылар ачыклаганча, карак курьер булып кылана, ул шулай алдап фатирга керә.

Карак ике баланы скотч белән бәйләп куя, аннары акча эзли башлый. Ул акчаларны таба алмый, эзләгән чакта аракы эчкәләп йөри. Шулай йөри торгач исерә дә йоклап китә.

Бу арада балалардан бәйдән ычкыну җаен таба, шуннан соң ярдәмгә өлкәннәрне чакыралар.

41 яшьлек җинаятьчегә карата гаепләү белдерелгән, диелә хәбәрдә.