«Фатир җимерек, хуҗабикә хастаханәдә». Самарадагы фатирда кер юа торган машина шартлаган

9 июньдә Самараның Мехзавод бистәсендә урнашкан фатирда кер юа торган машина шартлаган. Хуҗабикә хатының аяклары пешкән, аны хастаханәгә озатканнар, йортта яшәүче башка кешеләрне эвакуацияләгәннәр. Бу турыда «Комсомольская правда» язды.

Гадәттән тыш хәл кичке сигезләр тирәсендә була. Шаһитлар шартлау тавышы ишетә. Аннары 45 яшьлек хатын яши торган фатирның тәрәзәләре очып төшә. Урынга оператив хезмәтләр килә. Йорттагы 45 кешене эвакуацияләр.

Әлегә бу хәлнең сәбәпләре билгеле түгел. Шәһәр халкы сүзләренчә, машина эченә газ җыелып торган, аны эшләтеп җибәргәч, очкын чыккан һәм машина шартлаган булуы ихтимал.

Фатирның төп конструкцияләре җимерелмәгән, тик бүлмәләр арасындагы стена ишелгән. Тәрәзәләр ватылган, ванна бүлмәсендә кафель кубып төшкән, диелә хәбәрдә.