Әлеге пирог «Фәрештә күз яше» дип атала, чөнки суынгач пирогта яшь тамчылары барлыкка килә.
Камыр өчен: 150 гр он, 80 гр атланмай, 1 йомырка, 2 аш кашыгы шикәр комы, 1 чәй калагы көпшәкләндергеч.
Эчлек: 0,5 кг эремчек, 3 йомырка сарысы, 100 гр кибет каймагы, 90 гр шикәр комы, 1 аш кашыгы манный ярмасы, 10 гр ванилин.
Суфле өчен: 3 йомырка агы, 3 аш кашыгы шикәр оны.
Эш тәртибе: онны көпшәкләндергеч белән бутарга, май белән уарга, йомырканы шикәр комы белән болгатырга. Барысын бергә кушып камыр басарга. Аннары камырны азык пленкасына төреп 30 минутка суыткычка озатырга.
Эчлек өчен бөтен ингредиентларны бергә кушып блендер белән болгатырга. Суфле өчен йомырка агын миксер белән болгатырга, азлап шикәр оны кушарга. Начар болгатылса күз яшьләре күренмәячәк.
Камырны суыткычтан алырга, һәм табага кырыйларын күтәртеп җәяргә. Өстенә эремчекле эчлекне салырга.
180 градуска кадәр кызган мичтә 25-30 минут пешерергә. Ананры мичтән алырга, өстенә суфле ягарга һәм тагын 15-20 минут кызарганчы пешерергә. Артык тотарга ярамый.
