Башкортстанның Илеш районы телевидениесе Украинада БТР куып алып китеп танылган Фәнис Хөсәеновтан сентябрь аенда интервью алган булган. Тәтешле районыннан мобилизацияләнгән Фәнис, «Казан Экспо»га китәр алдыннан, язмышы нинди булачагын фаразлагандай сүзләр әйтә.
- Фәнис Хөсәеновны озату: «Кечкенәдән килгән шуклыгы анда да куркырга ирек бирмәгән аңа»
- Украинада БТР куып алып киткән татар егете Фәнис: «Әни безне өйдә качып ятарга тапмаган»
«Барырга кирәк», – ди Фәнис Хөсәенов.
«Ни өчен барырга кирәк?» – дип сорый журналист.
– Чөнки минем барып сугышуым яхшырак. Чөнки анда безнең яшь, автомат кора белмәгән малайлар үлгәнче, мин үзем барам.
– Курку дигән әйбер юкмы?
– Булса да, барыбер. Күз алдына китерәсеңме үзеңнең энеләреңне, туганнарыңны. Алар, өйдәге әниләр әйбәт кенә булсын, дип… Менә минем үземнең балам бар, кызым. Алар рәхәт яшәсеннәр дип барам. Минем өчен иң мөһиме –гаилә рәхәт яшәсен. Мине әни бер дә юкка тапмаган бит инде. Бер дә юкка 9 ай буе корсакта күтәреп йөрмәгән. Минем саклаучым дип тапкан бит инде. Минем әни тапкан, мин аңа әйттем – горурланачаксың соң чиккәчә, пока мин нитмәем…
«Молодец!» ди аңа журналист һәм дәвам итә: «Алла бирсә, кечкенә кызым кырына кайтам» дигән сүзләр белән ул көнне Фәнис автобуска утырып китте, әмма насыйп булмады».