«Болгар» радиосы алып баручысы Фаил Гыймадов «Ирек мәйданы» газетасына туган нигезе турында сөйләгән:
– Авылга кайтып килдем. Туган йортны бикләп киткән идек. Эт, песи, тавыкларны туганнарга биреп калдырдык. Белгәнегезчә, 29 февральдә әтиебез арадан китеп барды бит... Әни ел ярым элек вафат булган иде. Гомер буе әти-әни карамагында яшәгән этебез дә якыннарыбызда 2 атнадан соң үлде. Әрвахлар үзе белән алып китә, диләр бит.
Авылда бәрәңгене чыгарып калдырдым. Авылдашым булышты. Йорт буш булгач, күңелдә дә бушлык, сагышлы хисләр. Радиода эш бара. Ураза тотам, ифтарларга еш чакыралар, Коръән укыйм, – дип сөйләгән Фаил.