Бу салатны башта ресторанда ашап карадым, аннан өйдә ясадым. Бик тәмле.
Кирәкле ингредиентлар: тозлы кызыл балык, авокадо, кыяр, брокколи, чили борычы, шпинат, чикләвек яисә кабак төше, яшел суган, зәйтүн мае, лимон согы, тоз, борыч.
Брокколины аз гына пар өстендә пешереп алабыз яки, йомшарсын өчен, бераз гына духовкага куеп алабыз. Тәлинкәгә барлык ингредиентларны да матурлап салабыз, өстенә зәйтүн мае белән лимон согы салабыз һәм үзегез яраткан чикләвекне ваклап сибәбез.
