Фәрит Бикчәнтәев Раил Садриевның теплицасында кыяр ашый
Буа артисты кунакның «беренче кыяр» дип куанганын видеога төшергән.
Буа дәүләт драма театры сәнгать җитәкчесе-директоры Раил Садриевның бакчачылык белән мавыгуы, зур теплицасында кешенекеннән алдан яшелчәләр өлгерүен беләбез. Бу юлы аңа кунакка Камал театрының баш режиссеры Фәрит Бикчәнтәев килгән.
Раил Садриев кунакны яңа өлгергән кыяр белән сыйлый.
Казан кунагы: «Чәнечкеле кыяр, бу өлгермәгәндер әле, чәчәге бар бит», — дип өзәргә кыенсына. «Бу шундый сорт. Өз, өзгәч күбрәк үсә башлый ул», — ди бакчачы артист.
Инстачылар Раил Садриевның уңганлыгына соклануларын язган һәм кыярның сорты белән кызыксынганнар.
