Фәридә-Алсу дуэтының «Назлар» клибы
Вәзимә Рәхимова сүзләре, Фәридә Әхмәтшина көе
«Назлар»
1. Аллы-гөлле чәчәкләрне җыеп
Такыялар килә үрәсем.
Гүзәл чәчкәләрдәй итеп
Килә сине генә күрәсем.
Кушымта:
Килер юлларыңа чыгыйм әле,
Ак энҗеләр булып явыйм әле.
Кочагыңның кайнарлыгын тоеп,
Синең назларыңда эрим әле.
2. Икәү генә булсак хисләремдә
Җаннарыма дәва табыла,
Сайрар кошлар моңын тыңлап
Йөрәгемә хисләр агыла.
3. Иңнәреңә башкаемны салып
Чәчәк исен килә тоясым,
Синнән башка һич тә белмим
Хисләремне кая куясын.
