«Фәридә -Алсу» дуэты солисткасы Алсу Сөнгатуллина гаиләсендә зур шатлык
Җырчы Инстаграм битендә матур фотолар һәм видео урнаштырган.
«Олы улым Айрат армия сафларыннан исән-сау кайтып җитте, Аллага шөкер! Минем узган туган көнемә бик матур чәчәкләр бүләк итте. Бик күңелле сюрприз булды! Балаларыбыз сау-сәламәт, бәхетле булсыннар! Алар бәхетле булса, без дә, аларның әти-әниләре, бик бәхетле!» — дип язган җырчы.
«Бәхетле әни! Улыгыз бик матур!», «Зур шатлык. Исән-сау әйләнеп кайтуы белән», «Шундый зур улыгыз бар дип уйламаган идем», «Нинди ир-егет үстергәнсез, бәхетле булсын», — дип шатлана җырчының инстадуслары.
