Евгений Петросян бишенче никахыннан туган кечкенә улын күрсәтте
Бу көннәрдә Россиянең халык артисты 75 яшьлек юбилеен билгеләп үтте.
Россиянең халык артисты, язучы-юморист, телетапшырулар алып баручы Евгений Петросян Татьяна Брухуновадан туган кечкенә улын беренче тапкыр халыкка күрсәтте.
«Менә ул — Ваган Евгеньевич Петросян!» — дип язган юморист.
Ваган артистның икенче баласы, беренче никахыннан кызы бар.
Инстачылар күбесе баланы әнисе Татьянага охшаткан. «Иң мөһиме, әтисенә дә охшаган булсын», — дип шаярткан берсе.
«Бәхет», «Нәсел дәвамчысы», «Әти-әнисе һәм бала сау-сәламәт булсын», — дип язган юмористның виртуаль дуслары.
Татьяна Брухунова белән Петросян былтыр өйләнешкәннәр иде. Аңа кадәр артист дүртенче хатыны Елена Степаненко белән аерылышты.
Бу көннәрдә Евгений Петросян 75 яшьлек юбилеен билгеләп үтте.
