Эт үз хуҗасының биш яшьлек кызын талап үтергән
Фаҗига Калининград өлкәсе Рощино бистәсендә була.
15 сентябрьдә биш яшьлек кызны эт талап үтерүе турында полициягә хәбәр итәләр. Вакыйга булган урынга тикшерү төркеме юнәлә. Кызның тәнендә эт тешләгән эзләр була.
Хайванны кызның әтисе ике атна элек алган. "Саксызлык аркасында кеше үтерү" маддәсе буенча җинаять эше кузгатылган. Гаепле дип табылган кешене ике елга ирегеннән мәхрүм итәргә мөмкиннәр. Хәзер экспертиза фаҗигагә китергән сәбәпләрне ачыклый.
Бу хакта Калининград өлкәсе буенча Тикшерү идарәсе вәкиле Наталья Гацкога сылтама белән РИА НОВОСТИ хәбәр итә.
