Җырчы, әле күптән түгел генә дүртенче тапкыр әни булган Лилиана Ирназарова әнисенең туган көнененә бик зур бүләк ясаган. Ул аңа өр-яңа машина бүләк иткән.
«Без Назар белән бәйрәмгә кайтып барабыз. Нәнәйне гаҗәпкә калдырабыз, тәбриклибез хәзер», – дип, улы белән авылда яшәүче әти-әнисе кайткан ул.
Туган көне белән котлап, зур бантик тагылган машинаның үзенеке икәнен әйткәч, Лилиана Ирназарованың әнисе күз яшьләрен тыеп тора алмаган.
Җырчы әти-әнисенә машина алып бирергә бик күптәннән хыяллануы хакында яза. «Без моны булдырдык», – дип яза ул, чын күңелдән сөенеп.
