Медицина фәннәре кандидаты, диетолог, превентив һәм интегратив медицина табибы Римма Мойсенко эссе көннәрдә җиңел аксым белән тукланырга киңәш итә. Бу хакта ул «Радио-1» белән әңгәмәдә сөйләгән.
«Бу – күркә, тавык итләре, диңгез продуктлары, балык булырга мөмкин. Мондый аксым организмда яшелчәләр белән бергә яхшы үзләштерелә. Әгәр без авыр аксымлы ризыклар, мәсәлән, шашлыклар турында сөйлибез икән, моны атнага 1 тапкыр рөхсәт итәргә мөмкин», – диде эксперт.
Ул чикләвек, чипсылар һәм какланган ризыкларны азрак кулланырга кирәклеген искәртте, чөнки организмда су запасы кимеп, шешенүләр барлыкка килергә мөмкин, диелә хәбәрдә.
