Ерткыч талаган кебек: Нәни кыз белән малай урамда биш яшьлек баланы комага киткәнче кыйнаган
"Бу кадәр травмалар каян килгәнен аңлый алмадык. Берәр ерткыч җәнлек талаган дип фаразладык", - дигән табиб.
Еврей автоном округындагы бер бистәдә 10 яшьлек малай һәм 5 яшьлек кыз урамда икәүләшеп 5 яшьлек малайны кыйнаганнар. Бу турыда "Интерфакс" хәбәр итте.
"Хастаханәгә килгәндә бала кома халәтендә иде. Аның баш сөягендә ачык травма булды. Чигә һәм маңгай өлешендә сынган урыннар күп. Башында яралар күп. Бала бик күп кан югалткан", - дип сөйләгән агентлыкка балалар хастаханәсе хирургы Александр Березань.
Бала хәзерге вакытта бик авыр хәлдә реанимациядә ята. "Малай хәзер дә комада. Хастаханәгә килгәндә бу кадәр травмалар каян килгәнен аңлый алмадык. Берәр ерткыч җәнлек талаган дип фаразладык. Анасы шок халәтендә иде", - дигән табиб.
Еврей автоном округ хакимиятендә баланы урамда башка балалар кыйнавын әйткәннәр. "Әлеге җинаятьтә 10 яшьлек малай һәм 5 яшьлек кыз шикләнелә", - дигән өлкәдә балалар хокуклары буенча вәкил.
Аның сүзләре буенча, 10 яшьлек малайның физик мөмкинлекләре чикле. Ул өйдә һәм коррекция мәктәбендә белем алган.
Өлкә буенча Тикшерү комитеты җинаять эше ачкан.
"Хастаханәгә килгәндә бала кома халәтендә иде. Аның баш сөягендә ачык травма булды. Чигә һәм маңгай өлешендә сынган урыннар күп. Башында яралар күп. Бала бик күп кан югалткан", - дип сөйләгән агентлыкка балалар хастаханәсе хирургы Александр Березань.
Бала хәзерге вакытта бик авыр хәлдә реанимациядә ята. "Малай хәзер дә комада. Хастаханәгә килгәндә бу кадәр травмалар каян килгәнен аңлый алмадык. Берәр ерткыч җәнлек талаган дип фаразладык. Анасы шок халәтендә иде", - дигән табиб.
Еврей автоном округ хакимиятендә баланы урамда башка балалар кыйнавын әйткәннәр. "Әлеге җинаятьтә 10 яшьлек малай һәм 5 яшьлек кыз шикләнелә", - дигән өлкәдә балалар хокуклары буенча вәкил.
Аның сүзләре буенча, 10 яшьлек малайның физик мөмкинлекләре чикле. Ул өйдә һәм коррекция мәктәбендә белем алган.
Өлкә буенча Тикшерү комитеты җинаять эше ачкан.