Эремчек запеканкасы
Эремчек запеканкасы һәркемгә балалар бакчасыннан ук таныш, бүген дә күпләрнең яратып ашаган ризыгы.
![Эремчек запеканкасы](https://intertat.tatar/resize/shd/images/uploads/news/2017/6/27/34f9293e68c02f30597e5c2a47492a3ff20b5cc0bafe426bc0a82c13e6f2.jpg)
Запеканка өчен: 1 пачка ванилин, 500 г эремчек, 1 бал калагы көпшәкләндергеч (разрыхлитель), 1 стакан кефир, 2/3 стакан шикәр комы, ярты стакан манный ярмасы, 5 йомырка.
Манныйны кефир белән болгатабыз һәм 20 минутка калдырып торабыз.
Йомыркаларның сарысын агыннан аерабыз.
![](/resize/750/images/uploads/news/2019/11/17/3424c2c6e67e2cd3251a78f8d155f5826f4c058396cf35e29b1b3ecece8b.jpg)
Йомырка сарысын, эремчек, көпшәкләндергеч, манный, кефир һәм ванилинны яхшылап болгатабыз.
Аерым йомырканың агын аз-азлап шикәр комы салып болгатабыз һәм эремчек массасына салабыз, ләкин артык каты болгатырга ярамый.
Майланган табага эремчек массасын салабыз һәм 200 градуслы газ мичендә 40 минут пешерәбез.