Эремчек коймаклары
Иртән чәй эчәргә эремчек коймаклары пешереп алырга тәкъдим итәм.
Камыр өчен: 500 грамм эремчек, 3 йомырка, 0,5 стакан шикәр комы, 1 кап көпшәкләндергеч һәм ванилин, 2/3 стакан йөзем җимеше, 1,5 стакан он, бераз тоз, кыздыру өчен үсемлек мае.
Барысын бергә кушып болгатырга, кулларны суда юешлеп кечкенә коймаклар ясарга, онда әвәләргә һәм майда ике ягын да кыздырырга.
Эремчек коймакларын кайнар мичкә 10 минутка куеп пешереп бетерергә кирәк.
Коймаклар өстенә шикәр комы кушылган каймак яки төрле җиләк-җимеш кайнатмасы салып бирергә.