«Бер тапкыр укып чыккач, күңелгә кереп калды бу шигырь. Ә бит чыннан да дөрес сүзләр. Кешелек дөньясы әллә нишләде... Якын кешеләребезнең кадерләрен белсәк иде», – дип яза шигырь укучы яшь җырчы Нәфис Гыйниятов.
Туганнарга багышланган шигырьне Айзилә Нәбиуллина язган.
«Бер нигездә туып үсәбез дә
Таралабыз төрле якларга.
Туган нигез безне очраштыра,
Кайтып керә алган чакларда.
Кайтулар бит сирәгәя һаман,
Ераклаша бара туганнар.
Үскән чакта берсе берсе өчен
Җан бирергэ әзер булганнар.
Алмаштырабыз шул туганнарны
Сөйгән ярлар, якын дусларга.
Ә авырлык килгәч беркем калмый
Иң башыңнан синең тотарга.
Онытмасак иде беркайчан да,
Ярлар ташлый, дуслар саталар.
Шул вакытта сиңа кирәк була
Синең өчен газиз булганнар...»