![Җер тетрәү корбаннарына: «Яз көткән күпме җаннарга көтмәгәндә килде көз...»](https://intertat.tatar/resize/shd/images/uploads/news/2023/2/10/a326ac90607857c2b233516d18d35326.jpg)
Шагыйрь Булат Ибраһим Төркиядәге җир тетрәү корбаннарына багышлап шигырь язган.
Үлем белән күзгә-күз –
Эчәр суларың бетмәсә,
Әле бетмәс сөйләр сүз.
Парә-парә булган йөрәк,
Сүнмә, сүнмә, бераз түз.
Язмышка язган сагыш –
Җир бездән туеп тетриме,
Җиргә сыймыймы каргыш?
Кояш чыкканын көтәме,
Калтыранып, Көнбатыш?
Үлем белән йөзгә-йөз –
Гомерең бетмәгән булса,
Әйдә, тормыш буйлап йөз.
Яз көткән күпме җаннарга
Көтмәгәндә килде көз...
Язмыштан бармы узмыш –
Кайларда сагалап тора
Безне «соңгы тукталыш»?
Тукта, өзелмә өметем,
Ишетелә бер тавыш.
![](https://intertat.tatar/images/uploads/261cfb4a51e542ef7ac3f43e8c9168f8.jpg)
Фото: © https://vk.com/akbulatt