«Җенес органын, күз кабакларын кисеп алган». Юлда очраган хатынны вәхшиләрчә үтергәннәр

Хокук саклаучылар 18 ел элек Ленинград өлкәсендә яшәүче хатын-кызны үтерү турында җинаять эшен ачкан. Бу турыда РЕН ТВ каналы үз чыганагына сылтама белән хәбәр итте.

Үтерелгән хатынны Волгоград өлкәсенең Лисино авылы янында 2005 елда табалар.

«Тикшерү вакытында ачыкланганча, әлеге җинаятькә 3 ир-ат катнашкан. 20 декабрьдә аларның берсе тоткарланды», – дигән канал чыганагы.

Тикшерүчеләр ачыклаганча, 2005 елның 18 июлендә ир-атлар машинада бара. Алар исерек хатынны күрәләр. Аннары бу хатынны машинага утырталар һәм көчлиләр.

Ир-атларның берсе җинаять эзен яшерергә карар кыла. Ул хатынны кырга алып китә. Биредә хатынга күп тапкыр пычак кадый, аның күз кабакларын һәм җенес органнарын кисеп ала, диелә хәбәрдә.