Буа театры җитәкчесе Раил Садриев, салкын суда коенып чыныккан кеше буларак, быелгы мул карның да файдасын күреп калырга тырыша. Видеода күренгәнчә, ул тәнен кар белән ышкый, яланаяк карда йөри.
«Җәмәгать! Сәламәт тәндә – сәламәт акыл. Бер карга чыгып басканнан берни булмый. Быел күпме кар! Бушлай! Дәваланыгыз!» – ди артист.
«Татар театрының мәңге туңмас, мәңге сынмас җитәкчесе, кыскасы, җен кебек син, Раил абый!»;
«Иң курыкканым – салкын, башны юрган эченнән генә чыгарып, Раилнең карда йөргәнен карадым. Ничек өшеми микән? Чыныгу ярдәмен бирәдер. Артист кешегә картаю ярамый, салкын прцедура тәнне картайтмый, диләр бит. Афәрин!»;
«Супермен»;
«Болай бар кеше дә эшли алмый», – дип шаккатучылар, шулай ук «салкын тияр» дип борчылучылар да үз фикерләрен калдырган.