«Елый-елый яздырдым»: Зөлфәт Хәким җырын Винера Ганиевага гына җырларга рөхсәт иткән

Елый-елый яздырдым шушы җырны. Көн дәверендә әллә ничә тапкыр тыңлыйм. Тетрәндерә җырның сүзләре — әллә кайларга алып китә. Эстрадада тирән мәгънәле, эчтәлекле, уйландыра торган җырлар хәзер, ни кызганыч, бик аз. Ә бит чынбарлыкта җыр сәнгатенең көче — кешенең рухи дөньясын баетуда, битараф булмаска, якыннарны саклау, кадерләү, мәрхәмәтле, ихлас, ярдәмчел, чын кеше булу hәм бик күп сыйфатларны тәрбияләүдә.

Бу җырның авторы — Зөлфәт Хәким. Миңа җырын башкарырга рөхсәт иткән өчен рәхмәтем чиксез, — дип язган Винера Ганиева.

Инстачылар җырчының яңа җырын бәяләгән: «Искиткеч сүзләр, искиткеч башкару! Тыңлаганда каз тәннәре чыга, күңелгә шулкадәр тирән үтеп керә. Икегез дә халкыбызның искиткеч талантлы шәхесләре. Исән-сау булыгыз, алдагы көндә дә безне иҗатыгыз белән сөендереп яшәгез», «Сезнең тавыш, Винера апа. Йөрәкнең әллә кайсы җирләрен актара», «Зөлфәт Хәким бу җырны сезнең өчен генә язган! Мин уйлыйм, бу җырны башка кеше булдырып җырлый алмас кебек. Искиткеч башкару, искиткеч җыр. Мин елап тыңладым», — дигәннәр.