Татарстанның атказанган артисты Эльвира Хәйруллина сәхнәдәше Эльвира Розалины очраткан. Уртак фотоны социаль челтәрләрдәге шәхси сәхифәсендә күрсәткән ул.
«Бүген көтмәгәндә-уйламаганда очраштык. Бик рәхәт булды. Бөтен хатирәләрне, элекке вакытларны искә төшереп утырдык. Ә сез таныдыгызмы бу матур кызны?» – дип сораган ул.
Күбесе Эльвира Розалины таныган. «Розали, әлбәттә. Икегез дә матур төшкәнсез» – дигәннәр «Әйе, исемен оныттым, тик мин аны беләм», – дип комментарий калдыручы да булган.
Эльвира Хәйруллина белән Эльвира Розали икесе дә бер чорда сәхнәгә чыгып популярлашкан артистлар. Эльвира Хәйруллина сәхнәләрдә сирәк булса да күренә әле. Ә Эльвира Розалиның тамашачы белән элемтәсе юк дип әйтергә була. 2018 елда ул «Интертат» хәбәрчесенә сәхнәләрдә, экраннарда күренергә акчам юк дип сөйләгән булган.
Эльвира Розалины таныткан җыр:
«Әбекәем, әбекәй, дим,
Йөрмә миңа тагылып,
Җәннәткә киткән бабайны
Утыр өйдә сагынып».
Исегезгә төштеме?
