Эльвира Хамматова Фәнис Камал укыган шигырьгә карата: “Нинди хәл бу?”
Җырчы Эльвира Хамматова Фәнис Камал укыган шигырьгә карата үз фикерен белдерде.
“Мин Татарлык калебенә Җаным белән сыямын!!!” Бу юлларны сөйләп үз вакытында җиңү яулаган идем! Нинди хәл бу? Ни өчен татар теле? Бу сораулар соңгы арада барыбызны да берләштерде. Әнием – татар теле укытучысы, минем яраткан фәнем – татар әдәбияты. Гаиләбездә саф татарча сөйләшәбез, улымны балалар бакчасына махсус татар төркеменә бирдем. Боларның барысы да туган телебезне саклап калу өчен генә түгел, ә үстерү өчен дә эшләнелде!
Көчләп изелгән чорда да, 70нче елларда да, татар теле эш өчен кирәкмәс, дип танылган вакытта да татар бирешмәде. Безнең халык нык торды! Бары шул үҗәтлеге белән чәчәк аткан Татарстанда икенче дәүләт теле булырлык дәрәҗәгә иреште. Булган кыенлыкларны чишүгә караганда, төптән тамырдан йолкып атуы җиңелрәк, әлбәттә, тик... Ана телебезне без бергәләп яклап чыкмасак, киләчәгебез “телсез” булачак! Хөрмәтле дусларым, сезгә мөрәҗәгать итәм! Бу турыда күбрәк языгыз, сөйләгез, фикерләрегезне җиткерегез, вәхшиләрчә кыланганнарга каршы торырлык булсын!” – дип язган Эльвира Хамматова үзенең аккаунтында.
Көчләп изелгән чорда да, 70нче елларда да, татар теле эш өчен кирәкмәс, дип танылган вакытта да татар бирешмәде. Безнең халык нык торды! Бары шул үҗәтлеге белән чәчәк аткан Татарстанда икенче дәүләт теле булырлык дәрәҗәгә иреште. Булган кыенлыкларны чишүгә караганда, төптән тамырдан йолкып атуы җиңелрәк, әлбәттә, тик... Ана телебезне без бергәләп яклап чыкмасак, киләчәгебез “телсез” булачак! Хөрмәтле дусларым, сезгә мөрәҗәгать итәм! Бу турыда күбрәк языгыз, сөйләгез, фикерләрегезне җиткерегез, вәхшиләрчә кыланганнарга каршы торырлык булсын!” – дип язган Эльвира Хамматова үзенең аккаунтында.