Эльвира Хамматова бер күзен генә буяп сәхнәгә чыгуын әйтте
Җырчы сәхнә артындагы хәлләр белән үз сәхифәсендә уртаклашкан.
Җырчы Эльвира Хамматова яшьлек елларын искә алып, шул вакыттагы чыгышы видеосын күрсәтте.
«Ник бу челканы яхшылап җыеп куймаганнардыр, белмим. Парикмахерның вакыты җитеп бетмәгәндер, мөгаен, чөнки гримеркада нинди «кайнаш» булганын артист халкы гына белә.
Ул вакытта чиратың җитсә, бизәнеп-ясанып чыгасың, җитмәсә, үзеңчә генә. Минем бер юлы: «Хамматова, хәзер син», - дигәндә бер күземнең буялып бетмәгәне әле дә исемдә. Тамашачы күрмәсә дә, съемкада яхшы аңлашыла иде», — дип бөтен серен чишкән ул.
«Яшь чакта ничек тә матур», «Бик матур булган, бар да килешле», «Ул вакытта модасы шул иде бит», — дип язучыларга «белмим инде, кыек-мыек бит», — дип җавап биргән җырчы.